Kisha Ortodokse ka shenjtë me emër Alban !

Nuk është shaka … Kisha Ortodokse  ka shenjtë me emër Alban! St. Alban ishte dëshmitari i parë në Ishujt Britanik. Vdiq në Verulamium (sot Saint Albans, i cili mori emrin  prej tij) ndoshta gjatë persekutimit të perandorit Dioklecian në vitin 303 apo 304, edhe pse disa thonë se ai vdiq gjatë sundimit të Septimios Severus rreth në 209. Sipas historisë që tregohet nga Shën Veda, Albani mbronte në shtëpinë e tij një prift, i cili ishte fshehur nga ndjekësit e tij.Ishte aq i impresionuar me mirësinë e mysafirit, saqë pranoi me zell të madh predikimin e tij dhe morri pagëzimin. Disa ditë më vonë u mësua se prifti ishte fshehur në shtëpinë e shenjtorit dhe ushtarët shkuan për ta arrestuar atë. Atëherë shenjtori veshi rrobat e priftit, u dorëzua në këmbë  të tij dhe shkoi në gjyq. Gjykatësi e pyeti: “Nga cila familje jeni?” Shenjtori u përgjigj: “Kjo është një çështje që s’ju përket. Unë do të doja të dini që jam i krishterë”.Gjyqtari insistoi dhe shenjtori i tha: “Prindërit e mi më dhanë emrin Alban dhe unë adhuroj Perëndinë e gjallë e te vërtetë, Krijuesin e të gjitha gjërave.” Pastaj gjykatësi i tha: “Nëse do të gëzosh jetën e përjetshme, bëj kurban për perënditë e mëdha menjëherë!” Shenjtori u përgjigj: “Ju sakrifikoni për demonët, të cilët s’janë në gjendje të ofrojnë ndihmë dhe asnjë përgjigje për dëshirat e zemrës. Shpërblimi i flijimeve të tilla është dënimi i pafund i ferrit. ” Gjyqtari u zemërua që prifti shpëtoi dhe kërcënoi me vdekje shenjtin në qoftë se ai vazhdonte të mohonte perënditë e Romës. Ai u përgjigj me guxim se ishte i krishterë dhe nuk do të digjte temjan perëndive pagane. U dënua me tortura dhe më pas i prenë kokën. Thuhet se kur drejtoheshin në pikën e ekzekutimit (kodrën ku tani qëndron Katedralja e Shën Albans) nga lutjet e dëshmorit, turma që e ndiqte atë deri në vendin e ekzekutimit mund të kalonte me lehtësi pa u lagur lumin Coln . Kjo mrekulli preku zemrën e xhelatit, i cili hodhi poshtë shpatën e tij, ra në këmbët e Shën Albanit duke deklaruar vehten të krishterë dhe iu lut që të vuajë ai për atë ose me të. Një ushtar tjetër  i mori shpatën  dhe sipas fjalëve te Vedas “kreu i Dëshmorit trim u pre, kështu ai mori kurorën e jetës që Perëndia i ka premtuar atyre që e duan Atë.”Një currile uji shpërtheu nga vendi ku u ekzekutua  Shenjti dhe thuhet se në castin kur koka e shenjtorit ra,  sytë e ekzekutuesit të tij dolën nga zgavrat e tyre.Para se të ndodhte kjo mrekulli, komandanti kishte urdhëruar  të ndalonin persekutimet e të krishterëve dhe të nderoheshin  dëshmorët e lavdishëm të Krishtit. Që nga ai moment shumë njerëz të sëmurë u shëruan nga mrekullitë e shumta të kryera në varrin e Shën Albanit dhe nderimi tij u përhap në të gjithë Anglinë, si dhe në Evropë. Gjatë periudhës së përndjekjes të Mbretit Henri 8,i cili shkatërroi manastiret angleze, sarkofagu i Shën Albanit u zbraz [ose trupi i tij u zhduk]. Në vitin 2002 kisha e Shën Pantelejmonit e Këlnit,e cila kishte prej shekujsh reliket e Shën Albanit, ktheu një pjesë te relikeve të shenjtorit,të cilat u depozituan në vendin e martirizimit të tij në Saint Albans.Nderimi tij përkujtohet më 22 qershor.

  Wikipedia: E is the fifth letter and a v owel in the ISO basic Latin alphabet. →